සකිසඳ නුඹමය

සකිසඳ නුඹමය කළණ මිතුරු සඳ
කෙනෙකුට සිතුසේ ලබනු බැරී
බිතු සිතුවම් රූ මිතුදම් වෙයමද
සසර පුරා බිඳ දමනු බැරී //

නුඹෙ රුව නිමිතෙක රසඳුන් වේමය
දුටු තැන ඇසිපිය හෙලනු බැරී
කුසුමකි නුඹෙ සිත සුවඳින් උතුරන
රහසේ සඟවා තබනු බැරී

සකිසඳ නුඹමය...

අමයුරු තෙපුලද සුමියුරු ගීයක
නොඅසා මොහොතක් හිඳිනු බැරී
නිර්දක කතරේ දිය දෝතයි නුඹ
කෙලෙසින් වත් මිල කරනු බැරී

සකිසඳ නුඹමය...

දේවතාවියේ වැටුණෙද

දේවතාවියේ වැටුණෙද කඳුළු නුඹ නෙතේ
රැඳුණ මගෙ සිතේ දැනුණිය රිදුම නුඹ සිතේ
කියනු බැරි නුඹේ විමනද දුරය මට දැනේ
දකිනු රුව කෙසේ සිහිනය දිගුය අද දිනේ //

මැකුණු සිතුවමක් ඇඳ තෙලි තුඩින් යළි යළිත්
නෙතට රිදුවමින් බැලු බැලු අතක දිස් වෙමින්
නැවුණු සුබ හැඟුම් ඉතිරුණු තුහින තුන් යමින්
වඩියි නුඹ සිතට හිනැහී දෙව්දුවක් ලෙසින් ... දෙව්දුවක් ලෙසින්

දේවතාවියේ වැටුණෙද...

සඳ කැලුම් පෙරී ඇවිදින් කවුළු මත රැඳී
අඳුර මැද සිතේ තෙරපෙයි මුනිවතෙහි රැඳී
දකිනු බැරි නෙතට සැඟවූ සිරි විමන් වැඩී
සැලුව කඳුළු මුතු පොළොවේ මගෙ අතේ රැඳී ... මගෙ අතේ රැඳී

දේවතාවියේ වැටුණෙද...

සුවදෙන නැලැවිලි

සුවදෙන නැලැවිලි ගී රස පිරි අමයුරු වී
අසා හිඳී නිසොල්මනේ මව් කුසයේ බිලිඳා //

මුනිඳු දෙවිඳු පිලිරූ ඇස රසඳුන් අයුරූ //
බලා හිඳී සෙවනැල්ලේ මව් කුසයේ බිලිඳා

දෙගුරුන් සිහි දේවී සාමය රැකදේවී
නිවී හිඳී සැනසිල්ලේ මව් කුසයේ බිලිඳා //

නෑසියො ගෙට ඒවී රස මසවුළු දේවී //
ඇසුරෙහිදී සිත ලොල්වේ මවු කුසයේ බිලිඳා

සුවදෙන නැලැවිලි...

සැම දන තුඩ

සැම දන තුඩ තුඩ රැව්දෙන
සාමය සමගිය රජ වුණ
නිදහස් මල් නෙලනා දින
කවදා ඒවිද සුමිතුර //

සාමයෙ ගීතය හඞින් ගයාගෙන
රජ වෙමු සාමය පිරි දේශය තුල ///

උනුන් ඇණකොටා වැනසෙන
විලාපයෙන් හද සිරවුණ
ලෝහිත ගංගා වැලපෙන
රටේ සිහිනයයි සාමය //

සාමයෙ ගීතය... ///

සිරිත විරිත එක ලෙසින් බෙදාගෙන
එක හිරු සඳු ගෙන් පිහිට පතාගෙන //

සාමයෙ ගීතය... ///

මේ අඩ සඳම

මේ අඩ සඳම නොවෙද නුඹෙ ගෙපැලේ පිල මතටත් වැටෙන්නේ
මුදු සීත සුලඟ නිදි නැති නුඹ ගැන කොඳුරා කියන්නේ //

මේ සෙනෙහෙ කන්ද නුඹේ හිතට බර වැඩි වුණු හින්දා //
මගෙ පැතුම් කන්ද නුඹෙ පාමුල විසිරුණිදෝ මන්දා
නෑසියන් බහට අවනත වී මා හැරගිය හින්දා
මගෙ පහන් කන්ද නිවී ගියා දන්නවාද මන්දා

මේ අඩ සඳම ...

රියසක ලෙස පෙර පින පව අප පසුපස ආවේනම් //
මේ විරසකයක් වෙලා මොටද පෙර පෙම් කෙරුවානම්
රහසක් නෑ මින් මතුවත් වෙනසක් නෑ මා නම්
හසරක් නැති ආදරයක් යළි නොපතමි කිසිදා මං

මේ අඩ සඳම ... //

පවින් මා මුදා ගත්

පවින් මා මුදා ගත් පින නුඹට අත්වේවී
ලඳුනි කරුණා ගුණය ප්‍රේමය නොවන බව වැටහේ
පවින් මා මුදාගත් පින නුඹට අත්වේ

අසාර වූ මා ජීවිතේ දළු දමා නැගි ආදරේ
නියෙන් සිඳලන්නෙමි නොයෙන්නෙම යන්නෙමි
ඔබට සුබ පතමි

පවින් මා මුදා ගත් පින නුඹට අත්වේවී

නෙතක නිලුපුල් ආදරේ මල් පවන් වැද හිම වටේ
ඉකිබිඳින මහ වනස්පතිඳුන්
නිම නොවන ආදරෙන් ඔබට සුබ පතමී

පවින් මා මුදා ගත්...

එපා යළි හමුවන්න

එපා යළි හමුවන්න ජීවිතේ ගමන් මඟ
ඔබෙන් මට උරුම වූ වේදනා කඳුළු ගඟ
හිරු සිනාසෙන ලොවක පැතුම් මල් දෙවැට ලඟ
ඔබේ ජීවන සුවඳ අරන් ඈතට යන්න

සංසාර ගමන් මඟ සෙනෙහස සොයා දිනක
ආ ගමන නිමා කල ඔබේ හදවත ගාව
සෙනෙහසේ අවසාන කඳුළු බිඳුවක පහස
ගලා යයි අතීතේ මිය ඇදුණු සොහොන ලඟ

ඔබ මවෙත තිළිණ කල ඔබේ බැතිබර සුවඳ
මගේ මතකය වසා සදා කල් රැඳෙනු ඇත
සංසාරයේ යළිදු නවාතැන් සොයායන
මගේ මළගමදාට ඇවිත් යන්නට එන්න

එපා යළි හමුවන්න ...

වසන්තය ඇවිදින්

වසන්තය ඇවිදින් මටත් හොරැහින්
සිත් මල් පිපිලා හද විල් තෙමිලා
වසන්තය ඔබ ගෙනැවිත්

ගිලාන වූ හද සෝ ලතැවුල් පිස
ඔබේම ඇසුරින් සුවපත් වූදා
නොනිමි සෙනෙහසෙන් සිත උතුරා යයි
ජීවිතයේ නව පැතුම් සොයා

වසන්තය ඇවිදින් ...

අඳුරට හුරු මුදු මගේ දැවුණු සිත
ඔබේ වදනකිනි සැනසුම ලැබුවේ
වියැකී යන්නට ඉඩක් නොදී යලි
සුරකිමි ඔබ මා හද රඳවා

වසන්තය ඇවිදින් ...

වන මැද තනිවූ

වන මැද තනිවූ රජ දහනේ
පියබඳ සෙනෙහස සුව දැහැනේ
කාශ්‍යප රජු දුටු ඒ සිහිනේ
සැඟවුනි නිසලව ගිරි මුදුණේ

කෝ අද ඒ කිංකිණි රාවේ
නටබුන් නිසසල සීගිරියේ //

මැකී ගියා සැඟවී ගියා කාලයෙ වැලි තලයේ
කලා වැවේ දිය රැලි අතරින් දාසෙන් රජු යලි නැඟේ

දෑතම පාමින් වැව් දියඹේ
ඔහු සතු සම්පත පෙන්වන්නේ
ඔබ ලද ජය කොහිදෝ රජුනේ
වන මැද තනිවූ ගිරි මුදුනේ
ඔබ සැනසුම කොහිදෝ රැඳුනේ
ලඳුනගෙ මුදු බඳ සුව යහනේ //

සැලෙයි ගොයම් රන් කරල් බරින් අනුරාපුරවරයේ
කලා වැවේ දිය රැලි අතරින් දාසෙන් රජු ගුණ ගැයේ

වන මැද තනිවූ ...

සංගීතය: නිමල් මෙන්ඩිස්

සිදුවී නම් වරදක්

සිදුවී නම් වරදක් කොතැනක කොයි කවර කලෙක හෝ
එය නිවැරදි කර ගනිමු යාළුවේ //

පින් ඇති මහත්වරුන් ගෙනියන්ඩ කරපිටින්
අපි අපේ කමයි බිල්ලට දුන්නේ
අල්ලපු වැටේ එවුන් පිල් බෙදී වෛරයෙන්
මඟුලට මරණෙට වත් නැහැ එන්නේ

සිදුවී නම් වරදක්...

දෝලාව ගෙන කරෙන් අපි ගියෙමු දුර ගමන්
රජවරු දෙසටයි නෙත් යොමු වන්නේ
සතුරන්ට බැට දෙමින් යුද කලෙමු මියැදෙමින්
කවුරුද සතුටට ජයපැන් බොන්නේ

සිදුවී නම් වරදක්...

පද රචනය: බණ්ඩාර ඇහැලියගොඩ
සංගීතය: රෝහණ වීරසිංහ

සිහිනයක වෙලී

සිහිනයක වෙලී දොර කවුළු ලඟ රැඳී
ඔබ දුරක සිට හොරෙන් බලයි මදහසක් නොදී
එපමණද මට හිමී //

මද පවන හා ඇදී ඔබ සුවඳ මට දැනී //
සිත ඉකිගසා හඞා වැටෙයි තනිකමක් දැනී
එපමණද මට හිමී

සිහිනයක වෙලී...

මහ රැයක අවදිවී තනි යහන මත රැඳී //
ඔබ ගැනම සිත විඩා දෙවයි නෙතට නිදි නොදී
එපමණද මට හිමී

සිහිනයක වෙලී...

පද රචනය: සෝමරත්න දිසානායක
සංගීතය: රෝහණ වීරසිංහ

නෙළුම් නෙළුම්

නෙළුම් නෙළුම් නෙළුම් නෙළුම්
නෙළුම් නෙළුම් නෙලූ නෙළුම් තියන්න ඉවුරේ
නොනෙළු නෙළුම් විලෙහි තබා පුදන්න සොඳුරේ

විලට දුකයි...විලට දුකයි විල් දිය බොර කරන්නට එපා
පඳුරු බිඳෙයි...පඳුරු බිඳෙයි දිය පිට පා තබන්නට එපා

නෙළුම් නෙළුම් ...

මලට රිදෙයි... මලට රිදෙයි නටුව ලඟින් කඩන්නට එපා
බඹරු අඞයි...බඹරු අඞයි විලෙන් නෙළුම හිඳින්නට එපා

නෙළුම් නෙළුම් ...

පද රචනය: සුනිල් ආරියරත්න
සංගීතය: රෝහණ වීරසිංහ

මා සිත තුල ගී ගයන

මා සිත තුල ගී ගයන වසන්තය නුඹයි
වසන්තයේ හිතේ ඇඳෙන සුවඳ මල නුඹයි

මගේ හිතේ සදා ඇඳෙන සොඳුරු වර්ණ දේදුන්නක
දේදුන්නේ පාට අයිති නුඹේ දෑසටයි

මා හදවත අවදි කරන මියුරු මියැසි රාවයයි
ඒ මියැසිය නංවන තත නුඹේ දෙතොලඟයි

දෙලුම් වීර

දෙලුම් වීර අඹ කෝන් හිඹුටු පලු එරඹ කැන්
අතු අගින් බරව ගොස් ඉදී තිබෙන හැටි බල නෙතින්
මෙවන් පලවැලෙන් බුදිනට රිසිවූ දේ කියන්
කඩිනමින් නෙලා දෙමි සෙනෙහේ අධික පියදරිනි දැන්

දෙලුම් වීර පලු කෑම ගතට සැප එලවනා
මට ගොසින් කඩා දෙනු මා පණ වැනි හිමි සසොබනා
අතින් කඩනු මිස ගහකට ගොඩ නොනගිනු මැනා
වන මරුන් එන්න පළමුව යමු සඳ පව්වට මනා

සමන් කලොල් හා සපුමල් අතු අග බර වෙමින්
හැර නුවන් යුගින් බල වන තුල සැම තැන පිපි කුසුම්
බැඳන් පැටවු බඩතුර පැන යන සැටි එ වඳුරන්
අර බලන් නටන සැටි රණ මොණරුන් රැල පිල් විදන්

සවන් යොමා අසනුය පිය හිමියෙනි සසොබනා
මගෙ මෙවන් වදන් සිහිගත මැනවිය සිතු පිරියෙනා
මෙවන් මෙරුක සෙවනැල්ලෙහි හිඳ මඳ කලකිනා
අපි ගිමන් හැරලා යමු සඳ ගිරි පව්වට සතොසිනා ///

සහ ගායනය: නන්දා මාලිනී

පින්නේ රැයේ

පින්නේ රැයේ කඩ අගුවක නිදනවද
ලොරියක ගෝනි මත්තේ නිදි කිරනවද
කරවල වාඩියක සිරවී තැවෙනවද
මල්ලියෙ කොහේ කොතැනක නුඹ සිටිනවද

අම්මා විඳ දරාගෙන හැම දුක් ගැහැට
නැති බැරි වුණත් දුක දුන්නේ නැහැ නුඹට
බැරි වුණු නිසා මට අකුරෙන් ජය ගන්ට
දහ දුක් ඉහිලුවේ නුඹ තැනකට ගන්ට

ඉස්කෝලේ නොයා කැලයට පැන්නාට
තරවටු කලේ ගුරු දෙගුරුන් නුඹෙ හොඳට
ගහ බැන්නේ හදාගන්නයි මං නුඹට
හිතුවේ අනේ ඇයි ඒ හැම වැරදියට

නුඹ නැති දා ඉඳන් අම්මා හැඞු කඳුලෙන්
ඔත්පල වුණා අප්පච්චී සංකාවෙන්
ගේ මළ ගෙයක් වාගෙයි අද නුඹ නැතියෙන්
හනිකට වරෙන් ඉගිලී ඉන්නා තැනෙකින් //

පද රචනය: කුලරත්න ආරියවංස
සංගීතය: රෝහණ වීරසිංහ

ඔටුනු පලන්දා

ඔටුනු පලන්දා සිහසුන ඉන්දා වැයුවාණේ නුඹ මඟුල් බෙරේ
තැලිපිලි අන්දා පෝරුවෙ ඉන්දා යුවළට ආසිරි මඟුල් බෙරේ

ඔල්වර හඞ මැද අඩව් කස්තිරම්
ලොවටම ඇසුණා මඟුල් බෙරේ
රජ මැති සිටුවරු වඩිනා මඟුලට
පෙරමඟ වඩිනා මඟුල් බෙරේ...මඟුල් බෙරේ

ඔටුනු පලන්දා...

ගෙයි පිළිකන්නේ බංකු පුටුව උඩ
වාඩිවෙලා ඇයි මඟුල් බෙරේ
මැද මිදුලේ අද රට මාලක්කම්
නුඹට සිනාදෝ මඟුල් බෙරේ...මඟුල් බෙරේ

දළින් අනින


දළින් අනින පයින් මඩින රුදුරු සැහැසිකම් කල ඇතු //
අන්න බලවු සැදැහැ සිතින් කරඞුව ගෙන යනවා
කරඞුව ගෙන යනවා //

දෙපයින් අහසට නැගෙමින හේෂාරව නද නැගු අසු //
අන්න බලන් ආදරයෙන් රජුට අසුන දෙනවා
රජුට අසුන දෙනවා //

අඟිනවුලා මුල් උදුරා ගුරු තවරා ගත් ගව දෙන //
අන්න බලන් මවක වෙමින් කිරි දෙන්නට එනවා
කිරි දෙන්නට එනවා //

නින්දා රළු බස් පහරින සසල නොවී නිසසල වන //
අන්න බලන් දැමුණු දනා //
නෙත රසඳුන් වෙනවා ////

නිල් කටරොළු



නිල් කටරොළු මල් ගොමුවේ පැණි උරනා සමනලයෙක්
මිදුලේ දුව පැන නටනා පුතුගෙ අතේ ගල් අහුරක්
කුරුමානම වැරදුණාට කමක් නෑ පුතේ
සතුනට හිංසා වද දී නොවෙන් පුතේ දඟ ලමයෙක්

පුංචි කමට නොදැන කරන වැරදි වලට සමා නොවී
කෝටු පාර ඉඳහිටලා නුඹට තලද්දී
නෙත කඳුලින් නුඹ හඞද්දි හිත කඳුලින් මං හැඞුවේ

නිල් කටරොළු...

කිරි කල හත පෙවී නුඹට පා පොඩි එසවුණු දා සිට
සුරතල් සිහිනයකි මගේ ලය මුළුගැන්වී රැඳුණේ
නුඹ හොඳ මිනිහෙක් වනදා මල් පිපියන් මගෙ සිහිනේ

අහසයි ඔබ මට

Deepika Priyadarshani/Sunil Edirisinghe - Ahasai Oba Mata .mp3
Found at bee mp3 search engine

අහසයි ඔබ මට නිම් හිම් නොපෙනෙන
ඉණිමං බඳිනු බැරී
පොළොවයි ඔබ මට තරුවක් විලසට
රෑ කල පතිත වෙමි //

ගඟේ වතුර නෑ ඉහලට ගලා ගියේ
අසිනි හඬින් නෑ කඳු බිම් සසල උනේ
ගඟ කවදා හෝ මුව දොර හමු වෙනවා
ලොව කැලඹුණු දා කඳු බිම් හැකිලෙනවා

අහසයි ඔබ මට...

අනාත සයුරට වැහි දිය දෝත ඔබයි
අගාධ අඳුරක දුල රන් සිළුව ඔබයි
ඔබ මට ලඟ බව ඉඳුරා මම දනිමී
ඔබ වට කහවනු පවුරට මහ දුරකී

අහසයි ඔබ මට... //

අපි හැම රුසියෝ

Sunil Edirisinghe - Api Hema Rusiyo
Found at bee mp3 search engine

ගමන දුර නිසයි සිව්පද කියන්නේ
වෙහෙස මඟ හැරෙයි ඇඟපත නිවන්නේ

නොකියන් කවිය ඔය ගොරහැඞි හඞින්නේ
මොකටද ගොනුන් කලබල කර හරින්නේ

කෙල්ලනි නුඹලා දන්නෙ නටන්නයි මා දන්නේ කීමට පමණයි //
කවදා මුත් මම ගායකයෙක් වී නුඹලා හැම පරදනවාමයි
නුඹලා හැම පරදනවාමයි

එහෙම වුණොත් නම් බොහොම අගෙයි මේ ගමන් වලට හරි ප්‍රයෝජනයි //
ඔය කටහඞ ඇසුණොත් කොටි වලසුන් පවා දුවාත් නොහිතම සත්තයි
පවා දුවාත් නොහිතම සත්තයි

ඕ හරි ගායකයා
කියපන් කියපන් උඹ හරි රුසියා
ඔ රුසියා උඹ හරි රුසියා //

ගේ දොර වතු පිටි අපටා නෑ කිසි ලෝකය අපගේ නිවසයි මේ
අපගේ ආහර නැටුම් ගැයුම් වෙති ප්‍රීතිය දෙන්ටයි අපි ඉන්නේ
හිතන්ට කිසිවක් අපටා නෑ ලොව නැතිකරගන්ටත් කිසිත් නැතී
අපි දෙන ප්‍රීතිය දහස් ගණන් හට කිසිදා කිසිවිට නැති නොමවේ
කිසිදා කිසිවිට නැති නොම වේ

දුෂ්කර ලෝකේ කම්කරුවෝ අපි අප සතු වස්තුව සමගිය වේ //
එය සොරකම් කර ගන්ට අපෙන් හෙම නොහැකිය කිසිවෙකුටත් මෙලොවේ
නොහැකිය කිසිවෙකුටත් මෙලොවේ

ඕ අපි ගායකයෝ
කියමු කියමු අපි හැම රුසියෝ
ඔ රුසියෝ අපි හැම රුසියෝ ////

මිහිදුම් සළු තිර

Sunil Edirisinghe - Mihidum Salu Thira
Found at bee mp3 search engine

මිහිදුම් සළු තිර පැළඳි නමුණුකුල
සෙවනැල්ලේ මුළු ලොවින් සැඟව ගමු
නිකෙලෙස් හද බැඳි විකසිත ආදර
තේමා ගීතය එක්ව ගයන්නට //

වන ගැබ වන පල නෙලා ගෙනෙන්නම්
වන මල් දහරින් මාල ගොතන්නම්
පෙම් රකුසන්ගෙන් ඔබ සුරකින්නම්
තුරු සෙවනැල්ලට මල් අතුරන්නම්

මිහිදුම් සළු තිර...

ඕනෑ නැත අන් කිසිවක් මිහිමත
පාරාදීසය මෙහි පිරී ඇත
මානවිකාවෙනි හෙට හිරු කිරණට
ටිකිරි සිනාවක් මුසු කරනු මැන

මිහිදුම් සළු තිර... //

වාදකයාණෙනි

Sunil Edirisinghe - Waadakayaneni
Found at bee mp3 search engine

වාදකයාණෙනි ඔබේ සිතාරය //
තත්සර නංවන සුමිහිරි රාවය
සුමිහිරි රාවය

කෙතක ගොයම් නෙළනා ලඳුන්ගේ
දෙතොලේ ගීයට මුසු කල මැනැවී
මුසු කල මැනැවී

අඞ අඳුරේ මන්මත් කළ රාවය
තොලගාමින් මෝහයේ සුරා විත
ආලිංගන නැටුමකට සාදයට
කුමට වයන්නෙද එවන් සිතාරය

වාදකයාණෙනි...

නව ලොව එළි කල අරුණාලෝකය
රන්කෙත කරනා සඳ ආලෝකය
සව්සිරි අස්වනු නෙලනා ගීතය
රසවත් කළ මැන වයා සිතාරය

වාදකයාණෙනි...

සඳ කාන්ති

Sunil Edirisinghe - Sanda Kanthi
Found at bee mp3 search engine

සඳ කාන්ති දෙන රාත්‍රියේ

සඳ කාන්ති දෙන රාත්‍රියේ
මේ රංග මණ්ඩපයේ
නාට්‍යාංගනාවී දන මන උන්මාදවී

දිගු නීල නයන හෙළා
මිණි මෙවුල නිතඹ සලා
මිණි සළඹ පාද තබා රඟන්නී
දන මන උන්මාදවී

සඳ කාන්ති...

මදහසිනි මුව සරසා
මත් කොවුල් හඞ පරදා
සත්සරින රස අමුණා ගයන්නී
දන මන උන්මාදවී

සඳ කාන්ති...

අද ඉපැදුණු

Sunil Edirisinghe - Ada Ipadunu
Found at bee mp3 search engine

අද ඉපැදුණු නැවුම් ලොවට සිවු දෙවියනි වරම් දෙන්න
පතිනි මවුනි බැල්ම හෙලා හද සුව යහනේ රකින්න //

උපන් බිළිඳු නහවන්නට රුවන් පිරිස පැන් වඩතී
සිරිමාබෝ පත් සෙලැවී මෙත් සිහිලෙන් සුවය දෙතී
දහසක් දෙව් බඹුන් නිතින තුන් තිස් පැය තනි රකිතී
සඳ හිරු දෙපසින් අවදිව කල්පයකට ආයු දෙතී
කල්පයකට ආයු දෙතී

අද ඉපැදුණු...

සහසක් බුදු වදන් නිතර නැළවිලි ගීයෙන් ගයතී
සිරි දළදා හිමි සරණින් පිහිට ලබා නිදුක් වෙතී
උපන් පුතුට ලෙවන් අතර දහසක් කිරි මවුන් ඇතී
බාල බිලිඳු පිලිගන්නට සමන් දෙවිඳු දෝත දෙතී
සමන් දෙවිඳු දෝත දෙතී

අද ඉපැදුණු... //

උඩ මලුවේ

Sunil Edirisinghe - Uda Maluwe
Found at bee mp3 search engine

උඩ මලුවේ මගෙ ස්වාමිනේ අවසර කරුණා කරන්ඩ
හතර පේරුවේ අපටම මේ දොරඟුළු ඇයි කියන්ඩ //

හේන් කුඹුරු පාළු වුණා වැහි කඳුලක් නෑ දකින්ඩ
දරු පැටවුන් ගොදුරු වුණා මැලේරියා මදුරුවන්ට
එහෙව් දුකින් සරි කරගත් //
කිරි ආහර ටික පුදන්ඩ
උඩ මලුවේ මගෙ සාමිනි
රන් වැට දොරඟුළු අරින්ඩ

ඉරි තැලිච්ච වැව උතුරා සුදු නෙළුමක් මෝදු වෙන්ඩ
හැමදාමත් ගිනි උහුලන අපට පිරිත් පැන් ඉහින්ඩ
වැලි මලුවේ පෙරලි පෙරලි //
ඔය හෙවනේ නිවන් යන්ඩ
උඩ මලුවේ මගෙ සාමිනි
රන් වැට දොරඟුළු අරින්ඩ

උඩ මලුවේ...

රජ පෙරහැර

Sunil Edirisinghe - Raja Perahara Enawa
Found at bee mp3 search engine

රජ පෙරහැර මැද ඇතා නටනවා
දා කරඞුව ඇලවෙනවා
දෙදහස් වසරක් රැකගත් කරඞුව
දෙවියනි හද කකියනවා

අපට සෙනේ ඇති බෝසත් ගිජිඳෙකු කවදද දෙදණ නමන්නේ

විලංගුලා ලා ඇතු බැඳ දමලා
සැනසුම් සුසුම් හෙලන්නේ
කොඩි කුඩ සේසත් පාවඩ තිබුණත්
කොහොමද රජ පෙරහැර යන්නේ

රජ පෙරහැර...

අපට සෙනේ ඇති බෝසත් ගිජිඳෙකු කවදද දෙදණ නමන්නේ

උත්තම කරඞුව දෝත දරාගෙන
පාර කොනේ අපි ඉන්නේ
අපට සෙනේ ඇති බෝසත් ගිජිඳෙකු
කවදද දෙදණ නමන්නේ

රජ පෙරහැර...

පැන්සොන් දිනය

Sunil Edirisinghe - Penson Dinaya
Found at bee mp3 search engine

පැන්සොන් දිනය වැටෙනවා මාසේ අගට
විය පැහැදම් වැඩියි පැන්සොමෙ දෙගුණෙකට
අඟ හිඟකම් වලින් හිත තැලුණත් බරට
මා අද බරක් වී නැත මගෙ දූ දරුවන්ට

තිස්පස් වසක සේවය අවසන් වන දවස
මා සේවය කලේ පඩියට නොව දැයට
කාසිය වලංගුද නැත අගයක් නැතුව
දෑත සවිබලයි හිත හයියයි තවම

පාළුව තනිකමෙන් දුක දැනෙනෙවා දිවියේ
වතුපිටි ඉඩකඩම් නැත මා සන්තකයේ
දරුවන් අසයි මොනවද උන්ටත් කෙරුවේ
මං හෙළු දහදියයි උන් මිනිසුන් කෙරුවේ

පැන්සොන් දිනය ...

මුවින් මුවග

Sunil Edirisinghe - Muvin Muvaga
Found at bee mp3 search engine

මුවින් මුවග ගී සර ප්‍රතිරාව නැගේවා
සිතෙන් සිතක ගී රස ගංගා ඉතිරේවා
නෙතින් නෙතක ගී ලියැවේවා
ගී හඞින් මිනිස් ලොව සුවඳ ගෙනේවා //

බිඳුණු පැතුම් සොයා තැවෙනා
දෙසිතක දුක් ගීය නිවාවා
උරග වෙසින කිපී නැගෙන හැඟුම් නිවා
ගී රැව් දේවා
රස මියුරු සරින් ලොව සැරසේවා //

බෙදෙන බිඳෙන ලොවේ විපත
ගී සිය දහසෙක ලියැවේවා
විහඟ සරින් ලොවට ඇසෙන
ගීයෙන් මහ පොළොව නිවේවා
ගී ස්වරය අරුණ කිරණ සදාවා //

මුවින් මුවග...

මල් පිපිලා එදා වගෙම

Sunil Edirisinghe - Mal Pipila Eda Wagema
Found at bee mp3 search engine

මල් පිපිලා එදා වගෙම බලන්න මැණිකේ
බමරු ඇදෙනවා සුවඳට සතර දිගන්තේ
තරහ නොගෙන සාදු සාදු කියන්න මැණිකේ

එදා අපට පෙම්වත් සඳ අද දරුවන්ටයි
ගලා හැලෙන නිල් ඇල දොල පෙම් කවියක් වෙයි
එදා අප වෙලී ගිය මග මෙදා උන් බැඳී යන සඳ
තරහ නොගන්ටයි

මල් පිපිලා එදා වගෙම...

කෝඩුකාර පෙම්බස් දැන් ඉතින් ඔවුන්ටයි
රෑට පිපෙන තරු මල්වල රේණු ගණින්ටයි
එදා අපෙ හීන මාලිඟ මෙදා උන් තනා ගත් සඳ
කඩා නොලන්ටයි

මල් පිපිලා එදා වගෙම...

ලොව සරසන

Sunil Edirisinghe - Lowa Sarasana
Found at bee mp3 search engine

ලොව සරසන දළු කොළ මල්
අපට අයිති නෑ //
ගලා බසින ගංගාවල්
අපට අයිති නෑ //
සිහිල් සුළං නිල් කඳු වැටි
අපට අයිති නෑ //
ඒ නිසාම අපට ඒව වනසන්නට බෑ
වනසන්නට බෑ

උඩින් උඩින් එන හිරු දෙවියෝ
ගහකොළ මල් පුබුදන දෙවියෝ
ඒ උරුමය රකිනා දෙවියෝ
මහ පොළවයි අපගේ දෙවියෝ

ගහක තියෙන මල් කොළ ගෙඩි
අයිති ගහටමයි //
ගලා බසින ගඟේ වතුර
අයිති ගඟටමයි //
සිහිල් සුළං රැලි කාටත්
හුස්ම පොදමමයි //
හානි නොකර එයින් පලක් ගත්තොත් හොඳමයි
ගත්තොත් හොඳමයි

මේ සම්පත් අපි කාටත් ලැබුණේ
වාසනාවටයි //
මුතුන් මිත්තො ජීවිතේ වගේ
බලා ගත් නිසයි //
ඒ සම්පත්වල අයිතිය ඇත්තේ
අනාගතයටයි //
අනාගතේ ලොව බාරගන්න මතු පරපුරටයි
මතු පරපුරටයි

ලොව සරසන...

කුඹුක් ගහේ

Sunil Edirisinghe - Kubuk Gahe
Found at bee mp3 search engine

කුඹුක් ගහේ මල් පිපිලා බඹරු රඟන රඟේ
තිඹිරි ඉදී රතු පාටින් පල බර වී නැමේ
හිත ඉගිලෙයි ඒදණ්ඩෙන් සමනල් කැල පොරේ
සුද්දි නගේ නුඹෙ හිනාව ඉද්ද කැකුළු වගේ //

වක්කලමේ තොටමුණ ලඟ දිය රල සැඩ නැතේ
ගහල වැලේ මල් පිපිලා ආරුක්කුව නැවේ
ලැජ්ජාවෙන් මුව රතුවී නෙත් ඔබාන බිමේ
නාන තොටෙන් නුඹ යනවද මී මල් වැහි පොදේ //

කුඹුක් ගහේ...

උණ පඳුරේ සිලි සිලියෙන් මුමුණන සීපදේ
මට විතරක් ඇහුණම ඇයි හොඳ නැතිවද නගේ
හිතකට මං මේ තරම්ම එබිකම් කර නැතේ
ඉලුක් මලක් වෙන්ට එපා හිත් ඉවුරේ මගේ //

කුඹුක් ගහේ...

ජීවිතය නම් කිමැයි

Sunil Edirisinghe - Jeewithaya Nam Kimei
Found at bee mp3 search engine

ජීවිතය නම් කිමැයි කියා දෙන්නේ ඔබයි
අනුන් සෙත උදෙසා තමන් සුව නොතකා
දිවිය කැපකල උතුම් මිනිසුනි
මිනිස්කම නම් කිමැයි කියා දෙන්නේ ඔබයි

ඉසුරු සුව රස පහස හැරදා
කටුක දුක රුපු ගැහැට වළඳා
සියල් සත වෙත වතල කුළුණින්
ලොව පහන් පියසක් කරන්නට
ජීවිතය පුද දුන් ඒ උතුම් මිනිසුන්

පෙළෙන සිත් තුල නැගෙන සුසුමන්
දැවෙන නෙත් අග කෙවෙන කඳුලැල්
දැනී කම්පිත සිතින් නැගෙමින්
මිනිස් මහිමය හෙලි කරන්නට
ඥාණනය ලැබ දුන් ඒ උතුම් මිනිසුන්

ජීවිතය නම් කිමැයි...

ඉස්සර නං මේ

Sunil Edirisinghe - Issara Nam Mey
Found at bee mp3 search engine

ඉස්සර නං මේ නාදෙ ඇහෙන කොට
ඔල්වරසන් හඞ දුන්නේ
මහත්වරුනි ඒ සර්පිනාවමයි
ඇයි දැන් අහක බලන්නේ //

වේදිකාව උඩ තබ්ලා මැන්ඩලින්
මැද්දේ රජවී උන් සැටියා //
රූකඩ මඩුවේ නාඩගමේ
මගෙ සර්පිනාව මුලටම සිටියා

ඉස්සර නං මේ...

දන මන පිනවූ රාග තාල මයි
තවමත් ගුවනේ රැව් දෙන්නේ //
ඒත් අනේ මේ සර්පිනාව ගැන
තවමත් නැහැ හරිහැටි දන්නේ

ඉස්සර නං මේ...

හිත මහ පුදුම තැනක්

Sunil Edirisinghe - Hitha Maha Puduma Thenak
Found at bee mp3 search engine

හිත මහ පුදුම තැනක්
දිදුලන මහරු මිණක්
හසරැල් වතල වතක්
විටෙකදි නොනිම් දුකක්
හිත මහ පුදුම තැනක්
හිත මහ පුදුම තැනක්

නවතින්නැයි කී විට හිත නිනව් නැතිව දුවනවා
ඉක්මන රිසි වූවිට හිත නැවතුණ තැන ඉන්නවා
ලද දේ ඉවත හෙළන නොලැබෙන දේම යදින
හිත හිත් පිත් නැති ලෙස මට දඬුවම් කරනවා
හිත හිත් පිත් නැති ලෙස මට දඬුවම් කරනවා

හිත මහ පුදුම තැනක්...

අනුන් ළඟම දැවටී හිත ඉතින් මවෙත රැඳෙනවා
අසරණවූ දා වෙන්වී මදෙස බලා ඉන්නවා
හිතකට හිමිදේ හැර අන් හැමදේම හිතන
හිත හිත් පිත් නැති ලෙස මට දඬුවම් කරනවා
හිත හිත් පිත් නැති ලෙස මට දඬුවම් කරනවා

හිත මහ පුදුම තැනක්...

හත් මුහුදින් එපිට

Sunil Edirisinghe - Hath Muhudin Epita
Found at bee mp3 search engine

හත් මුහුදින් එපිට ගුගුරුවා
බතරොයි උගුරු දණ්ඩ
හත් දෙයියන් බලා ඉද්දි සුද්දො ආවෙ රට කරන්ඩ
මහත්වරුනි දන්නවාද සුද්දො ආවෙ රට කරන්ඩ
සුද්දො ආවෙ රට කරන්ඩ

ඇත්දත් ගම්මිරිස් කුරුඳු මැණික් අරන් එතෙර යන්ඩ
ලක් මවුනගෙ දරු පැටවුන් වහල් කමේ තියා ගන්ඩ
වැව් බිඳ රන් කොත බිම ලා //
දාගැබ පිට කොඩි දමන්න
මහත්වරුනි දන්නවාද සුද්දො ආවෙ රට කරන්ඩ
සුද්දො ආවෙ රට කරන්ඩ

යෝධ කඳු වළලු වටලා වන හිස මුඩු බිම් කරන්ඩ
කෝපි තේ රබර් වවලා එතෙර එදේසෙට යවන්ඩ
ඉර නොබහින පොළොව වටේ //
කතිර කොඩිය ලෙල දෙවන්ඩ
මහත්වරුනි දන්නවාද සුද්දො ආවෙ රට කරන්ඩ
සුද්දො ආවෙ රට කරන්ඩ

සත්තු වගේ මඩ කාගෙන දිව කාගෙන බර අදින්ඩ
උත්තම අධිරාජ්ජෙකට ජීවිත පූජා කරන්ඩ
අනේ අපොයි අපිත් ගියා //
පය පාමුළ වාල් වෙන්ඩ
මහත්වරුනි දන්නවාද සුද්දො ආවෙ රට කරන්ඩ
සුද්දො ආවෙ රට කරන්ඩ

හත් මුහුදින් එපිට ගුගුරුවා
බතරොයි උගුරු දණ්ඩ
හත් දෙයියන් බලා ඉද්දි සුද්දො ආවෙ රට කරන්ඩ
මහත්වරුනි පේනවාද අදත් එනව රට කරන්ඩ
අදත් එනව රට කරන්ඩ